Kasam Shaqirvela:Flaka e YjeveKasam Shaqirvela:


NË KUJTIM TË 17 JANARIT TË ZI, TË VRASJES MAKABRE TË TRE MARTIRËVE TË KOMBIT

POEZI NGA KASAM SHAQIRVELA
FLAKA E YJEVE
(JUSUFIT, KADRIUT DHE BARDHOSHIT)

Flaka është ndezur kaherë

Në janar bën të ftohtë, acar

Palca të ngrin prej shikimeve

Të akullta e të njelmëta zeher.

Ashti im mbin edhe në janar

Edhe pse dallëndyshe s’ka tani

Lulebora akoma nuk ka çelë

Bilbili e kërkon që t’i marrë erë.

Veç se korbat krrokasin nëpër çati

Kërkojnë palcën e ashtit për ta sqepitur

Thuan që ata e parandjejnë kohën

Sikurse njerëzit me shpirt të shitur.

Por, yjet e bardhë flakë lëshojnë

Atëherë kur bien për tu ngritur

N’panteonin e kombit të vet pushojnë

Në qiellin e tij të shndritur.

Yjet nuk vdesin porse lindin !

E kur lindin nuk shuhen më kurrë

Ata nuk vdesin edhe kur vriten

Por bëhen emblemë në flamur.

Dalëndyshet arrijnë më vonë

Në pranverë, kur s’ka më acar?!

Dhe Kënga e Bilbilit bëhet jehonë

Himn në panteonin kombëtar!!!

***

TEHUT TË JANARËVE TË ZINJ

Dhe janarët e zez sa herë që arritën

shpërgajt e gjakut acarin sfiduan

me qindra ranë, me mijëra u ngritën

jeta dhe vdekja në çast u ndërruan!

Ata historinë e shkruan me gjak

e vulosën madje me jetën e tyre

qiellit të Atdheut iu shtuan yjet

nga shkëlqimi i tyre u ndez flakadan

flaka e janarit ngrohi shpirtin kallkan

kur Liria sërish i kthehet Atdheut

atëherë përmbushet amaneti për Vatan!

About Post Author