Poezi nga Kasam Shaqirvela
*
KAM PËR T’U KTHYER…
Ka një kohë të gjatë që s’kam nxjerrë zë
Për sa koha brijnëve keq më pati ra…
Unë plagomash u ngrita në këmbë
Udhën në gjysmë për të mos e lënë.
Kalvarin tim për t’ua rrëfyer
Dhe, unë sërish kam për t’u kthyer
Të gjithë atyre që besë nuk zënë
Veç një fjalë kam për t’ua thënë.
Unë e di se pak njerëz do të më presin
Nga gjithë ata që kanë mund të mbesin
Të më vizitojnë do të vijnë më shumë
Që nuk ua lanë mëkatet asnjë lumë.
Edhe ata e dinë se unë e di…
Të këqija, të zeza që më bënë një mijë
Sa herë rrugën o bre ma kanë pre
Herë ngutshëm e herë me nge…
Ata s’më duan por, athua unë i dua?
Se s’janë lule për t’u marrë erë
Përballë tjerëve duan për t’u tregua’
Për të thënë se ata çelin pranverë..!
