Kasëm Shaqirvela:Përkujtim në shenjë nderimi


Përkujtim në shenjë nderimi

*

PËRJETËSIMET JANARÇE

(figurave kombëtare që u përjetësuan janarëve të zez, njëri ndër ta edhe I. Rugova)

Dhe janarët në fillim ishin gri

sikurse e murrmja por,

i kaluan të gjitha nuancat dhe

arrijtën e u bënë të zinj,..

aty në ditën e 17-të… madje dy herë,..

në largësi kohe e gjeografie pati përjetësime,…

i pari në luftë të tmershme

pasi mundi tufanet aziatike për dekada,

qe armiku i brendshëm-ethet, ai që..

e preu në besë…!

I dyti ishte armiku i jashtëm-atentati

që i preu në lulen e rinisë, i ndihmuar

nga tradhëtia e brendshme..?!

Dhe përjetësimi i 21-shit erdhi

pas një lufte gandiane,..që pati

reflektime mondiane….,

ku burrështetas të mëdhenj

ia shtrënguan dorën,

tek sa bëheshin gati

t’ia vënë kurorën,…

e Dardanisë…

Por nuk i la armiku

që ishte brenda e jashtë,

s’i lejoi as tmerri,

ai i trupit e shpirtit-kanceri

që e preu në besë,…

në dymbëdhjetë pa pesë

këtë vigan epoke, bir të kësaj toke…

Ky kapiten i cili anijen shqiptare,

që po e humbte lundrimin në fundosje,

siç e humb udhën shpijari në oborr të vet

kur shpresa i shkon në sosje,…

e drejtoi kah bota demokratike perëndimore,

nga ajo e vlerave njerëzore …

atje ku dhe Dielli jetëdhënës dremitet prore..!

Ti, o dardan, që në zemrat shqiptare

ndeze flakadanin e pavarësisë,

ti pishtari i çetës së profetëve

andej e kërkove ndihmën e zotit tonë

për bekimin e Dardanisë…

për bashkimin e Shqiptarisë…

si dhe ta zbonte zgjedhën e rrobërisë

bashkë me frikë-ndjenjën e robit prej tiranisë.

Ti, o presidenti historik ….

që rreth qafës e mbajte një shall,

simbolikë ilire për Kosovën me hall

edhe zemra të pati zjarrmi,

a shpirtit i reshte një mall

për tokë dardane , për gjuhë nëne

për Pavarësi….

prandaj dhe, qiri, për shpirtin tënd fisnik,

i kërkon stina janarit për të kall’..!

About Post Author