Këngë puthjesh-Valbona Kolaveri


KĒNGË PUTHJESH

Sytë e mallit
Po shihen në pasqyra dhembjesh
Të krisura,
Nga harrime kohësh

Pritjeve,
U mbarsën
Me cungime përqafimesh
E lot kujtimesh

Që mbajnë mbi shpinë
Fëmijërinë
Të derdhur kupash
Tavolinave të shpirtit

Reflektime sysh
Përthehen tē vijnë
Tek ti
È të gjejnë sërish
Magjinë e gjakut të mpiksur
Krisjeve

Ëngjëjt
Po këndojnë për ne
Këngët e puthjeve

Mos iu dorëzo
Netëve me afsh djajsh
Vulosur me të zezë inatesh

A e di?
Po pres këmbanoret
E diejve

Çdo mëngjes
Të përçojnë sinjale drite
Shpirtit tënd

Dhe të vish tek unë
Si dikur…