Na mësuan që të duam
Na mësuan të respektojmë
Na mësuan të mos bëjmë krime
Na mësuan të mos përleshemi
T’kacafytemi dhëmbë me dhëmbë
S’jemi bisha të egërsuara
Të sulmojmë vend e pa vend
Ligësinë mos ta shfaqim
Duhet veten që ta mbajmë
Se kohë e ashpër e trishtuar
Sot as ligji nuk sundon
Sot verbojnë korba të zi
As nuk sheh as s’don me ndi
Shfaqet dhuna në shtëpi
Dhunohen gra e fëmijë
Për askend nuk ka drejtësi
Kohë rigoroze për të gjithë
Çka na mësuan i harruam
Bëjmë në vete çfarë të duam
Ju duket vetja terezi
Punon për interesat e tij
Shpresa Gashi Zurnaci
