O qyteti i nostalgjisë
ku dhe dita të bëhet natë.
Mrekulli e pastërtisë
ku këndohet serenata.
O qyteti me shumë kulturë
Ku me gaz shkova rininë.
të kujtoj edhe në gjumë
nëpër rrugë në mërgim
O qyteti me kaq shije
që më dhe mbresa të rralla.
Që nga Vlora me shumë hire
sjell urimin porsi dallga.
Që nga Joni ju vjen dehje
sjell një shportë me karafilë
që nga larg ku këndojnë dete
zgjoj kujtimet e rinisë
Për ca perde me tantella
për kitarën që jehon
lumturi më bëhet jeta
dhe kaq shumë po tregoj
Kush do bëhet kuzhinjer
të më japë kërnacka Korçe!
Birra “Korça” të jetë det
me lezetin e një bote.
Kush më sjell një lakror
bërë nga nënat nikoqire.
trahanaja në një sofër
më e mira ndër gatime.
Si kurorë qëndronte dëbora
Mbi çati e mbi ballkon.
lumturinë më dhuroka
vend i luleve lloj-lloj.
O qyteti i Mësonjtores
Vendi i rrallë i gjelbërimit
këtu natën do dëboj
O qyteti i rizgjimit.
