Kristo Çipa:Puthim syrin e lirisë


Kristo Çipa

Mjeshtër i Madh

Në datën 12.3.2022 në lagjen historike pranë sheshit të Flamurit në godinën që po përgatitet për muzeun e Kosovës dhe UÇK u organizua promovimi i librit të publicistit të njohur Bedri Islami “ Triada e Kosovës” nën kujdesin e drejpërdrejt të deputetit, publicistit dhe “ të dashuruarit” me polifoninë zotit Bujar Leskaj. Salla ishte e mbushur plote përplot si rrallëherë ne intelektualë e veprimtarë nga Vlora e diaspora. Të pranishëm edhe Zoti Ali Ahmeti, zv. Kryeministri i Maqedonisë sl Veriut, disa kryetarë komunash nga Kosova, deputetet shqiptarë Vullnet Sina, Fatmir Mediu ish kryetari i parlamentit shqiptar Namik Dokle e mjaft personalitete. Pati shumë diskutime rreth librit nga personalitete të ndryshme por të veçanta ishin ato nga artistët Mirush Kabashi e Bujar Asqeriu. Por qershia mbi tortë ishte Asambli folklorik “ Bejkë e bardhë” Pilur me këngën kushtuar Kosovës. Më poshtë po postoj tekstin dhe interpretimin do t’ju a postoj sa të më vij e filmuar. Me këtë rast një falënderim për këngëtaret e reja dhe të talentuara marrëse Plikseni Mërkuri dhe Leni Prifti dhe hedhësen Valentina Gërdhuqi. Gjithashtu edhe deputetin Leskaj që na mundësoi pjesmarrjen dhe për nivelin e lartë të këtij eventi.

Puthim syrin e lirisë

Si e shkove këtë shekull

Moj gjeraqina Kosovë?

-Nëpër natë e nëpër mjegull

Ashtu si lulja në borë

Ndarë nga Nëna me kufi

Se kishe hasmin në derë

Si zogu në arati

Mbi dafinë ngrije folenë

Erdhi Marsi i manushaqes

Bekuar bijtë e Drenicës

Shtruan në shtratin e paqes

Shekullin e psherëtimës

E vërteta zgjuan botën

I penduar perëndimi

Do t’ja kthejmë borxhin Kosovës

Kështu plaga gjen shërimin

Atë popull ta shpëtojmë

Folën vet perënditë

Se lirinë e meritojnë

Ata që mbollën lirinë

Nga perëndimi në lindje

Atje ku na çoi halli

S’ka përmendore lirie

Pa një pikë gjak shqiptari

Ç’po fryn era shqiptare

Le ta gëzojmë të gjithë

Se ku ka shqiptar ka paqe

Në çdo dallgë të historisë

Ne të bijtë e Shqipërisë

Anembanë kudo që jemi

Puthim syrin e lirisë

Në tokën e amanetit

Refreni

Ne s’kemi ëndër të madhe

Aq sa ka folenë shqiponja

Shqipëria natyrale

Katër vilajetet tona

Finale

Amanet nga historia

Hajmali ta mbajë kombi

Feja jonë është SHQIPTARIA

AMERIKA vet ZOTI

About Post Author