Kujtim i përjetshëm !
Nëse koha ikën shpejtë, si erë në lëndinë ,
eja bir dhe më shiko ,mos dërgo një kartolinë .
Nëse koha ikën shpejtë dhe thinjat bien mbi ballë ,
eja bir mos më harro ,sa kohë që unë të jem gjallë.
Ti eja bir në gjirin tim ,të të ngroh si përhere,
sepse nënën s’e tret dheu po s’të përqafoi njëherë
Mos harro që sa kohë fryma ,do të mbetet gjallë ,
unë e pres të vish o bir ,dhe e pres me mall .
Të mbaj mend në djep o bir, kur sa herë ti qaje ,
sa herë lotët unë ti thaja, dhe në krahë të mbaja .
Të gjitha këto ,i mbaj në shpirt, si margaritarë ,
por vitet shkojnë ,dhe ne ngelemi udhëtarë .
Në çdo rrudhë të ballit tim ,një kujtim për ty kam fshehur ,
por ti eja mos harro ,se e vetme unë kam mbetur .
Se një ditë vetëm kujtimet ,udhëtarë do kesh në jetë,
sepse nëna s’do jetë k’tu ,po do jetë në tjetër jetë .
