Kujtime të mjegullta …
- Sipas përjetimeve të largëta të Beqir Elezi matura 1968 – 1971 në shkollën e mesme ekonomike “Kristo Isak” Berat.
- Foto: Kujtim nga jeta shkollore, Berat 1970
Nga Spasse Thanasi
-“Ishim matura e parë e shkollës e viteve 1968 – 1971. Vite të vështira dhe të brishta të një fillimi, që kishte aq shumë përjetime të mundimshme që neve do të na sillnin ndjesi të reja, njohje shoqerore e miqësore të pashkëputura për jetën.
Nga rrethet që vinim, secili sillte veçoritë e veta të mentalitetit, të impenjimit moral e qytetar në raportet e shoqerisë shkollore, që filloi të ishte si një fidan i ri në flladin e rinisë !…”
Me këtë përshtypje i fillon kujtimet e mjegullta të 53 viteve më parë në shkollën e mesme ekonomiko-bujqësore “Kristo Isak” te Beratit Beqir Elezi që vinte aty nga Lushnja.Ai rreshton 10 shokët e dhomës në konviktin e djemve me kujdestar Pajtim Polovina. Ata flinin në krevatë marinara 2-katëshe e të veshur si mos më keq.
- Beqir Elezi, Lushnjë
- Qamil Korca, Pogradec
- Avdulla Kasharinga, Peqin
- Klement Lumani, Ersekë
- Kujtim Shehu, Kukës
- Adem Gjini, Kukës
- Enver Mollaymeri, Korçë
- Tahir Sina, Pukë
- Novruz Tosuni, Ersekë
- Agron Larashi, Pogradec.
Vazhdon të tregoj duke sjell një detajë nga ditët e punës prodhuese në vjeshtën e vitit 1970 në malet e Shpiragut :
- “Ishte vjeshtë dhe pemët ngjanin magjike me ngjyrën befasuese të gjetheve. Një madhështi stine që të kujton muzikën, hymnet e largëta drithëruese dhe drurët e viteve të vështira të jetës.
Në vitin 1970 klasa ime e bëri punën prodhuese 1-mujore në Paftal të Shpiragut për të shkruar parrullën ENVER. Me zi bëmë këmbën E.
Në kohën e lirë hipnim nëpër pemë e dushqe për të ngrënë rrush, kishte shumë pjergulla, ishte vjeshtë…”
Ka dy fotografi që i ruan si kujtim. Njera me shokët e klases para shkollës në vitin 1970 dhe tjetra me shokun tim Qamil Korça në vitin 1969, viti i dytë i shkollës.
Janë kujtime të skalitura në këtë libër si “gjurmë në kujtesë” nga vitet e shkollës së mesme ekonomiko-bujqësore “Kristo Isak” në Berat.
Beqir Elezi i përket brezit të maturës së parë të nxënësve të shkollës në fillimet e saj. Janë vitet e vështira që kalitën me dituri e arsimim një armatë të pasionuar të rinjsh për në frontet e jetës. Me druajtjen e parë, me njohjet e para, me simpatinë e moshës më të bukur ata u maturuan e më vonë vazhduan studimet e larta. Ndër ta Beqiri vazhdoi Universitetin Bujqësor të Kamzës në Fakultetin e Ekonomisë Agrare, dega Financë-Kontabilitet.
*
* *
Refleksione për librin memorial “ Zambakët e Qeshur” me autor Spasse Thanasi.
Libri që skalit shoqerinë shkollore
Me librin që shkrove
Kujtimet na i zgjove
Në vitet ‘70
Në Berat na çove….
Kujtime për shkollën
Dhe për shoqerinë tonë
Ky libri yt
Na i skaliti përgjithmonë!…
Atje kaluam
Një pjesë të rinisë së hershme
Me shokët u bashkuam
Për një shoqeri të përhershme…
Dhe mësuesit e dashur
Nuk i harrojmë
Se prej tyre mësuam
Për ç’ka u bëmë më vonë !…
Mendja dhe dora e ekonomistit
Në cdo cep të atdheut punuam
Nga sheaf në ekonomitë lokale
Drejtori në Ministri e Bashki drejtuam
Profesioni që zgjodhëm
Është shumë i nderuar
Të aftë para viteve ‘90
Sot në biznese kemi lulëzuar !…
Profesor Karapolli thoshte :
“Ekonomisti,dirigjent në drejtim”
Praktika vërtetoi
Sa i saktë ky vlerësim !…
Mendja dhe dora e ekonomistit
Është kudo e kërkuar
Ata që e kanë vlerësuar
Rezultatet kanë shijuar …
Drejtuesit e lartë
Jo gjithmonë e vlerësojnë
Mendjen e specialistit
Shpesh e anashkalojnë….
Në respect e mirënjohje
Për kolegët tanë
Shëndet e suksese ju urojmë
Mirënjohje për ta gjithmonë!…
Beqir Elezi
Tiranë, 08.02.2024
