Kutia e Pandorës-Petrit Qori


U ula sot të hedh dy fjalë ,

për dreq më ra lapsi në tok ,

kërko me duar , s’po e gjeja ,

me veten seç qesha me lot .

– Nuk gjendet lapsi budalla ,

siç rrije bankës me kokë poshtë ,

e hidhje lapsin si padashje ,

me shpresë të shihje ndonjë zoçkë .

Nuk je më adoleshenti i parë ,

ku nga një laps blije çdo javë ,

sa herë që e hidhje në tokë ,

po aq herë i mprihje majë .

Sot lapsat janë sheshit ,

e zoçkat në pëllëmbë të dorës ,

por kishte shijen e mistikes ,

atëhere Kutia e Pandorës .