Kur ke një hall,
Bën sikur të do shumë,
Sa të hedhësh hallin,
@
Kur ke një hall,
Shumë lajka bën,
Sa të hedhësh hallin,
Nuk lënë llaf pa thënë
@
Kur sharra të ngec
Në gozhdën e vjetër,
Më harron mua,
Hidhesh tek një tjetër
@
U gdhi, u ngrys,
Lidhur pas interesit,
S’të ndahesh nga mbrapa,
Si rrodhja pas thesit
@
Lëpin pas njerit,
Lëpin pas tjetrit,
Sa lë të riun,
I qepesh të vjetrit
@
Edhe me të vjetrin
Bën të njëjtën gjë,
Sa të hedhësh hallin
Dhe nuk e njeh më
@
E kështu vazhdon
Gjithë jetën tënde,
Sa të hedhësh hallin,
Del edhe shet mëndje
@
Të vërtetën s’e the,
Sikur dhe njëherë,
Asnjëherë nuk jep,
Por vetëm të merr
@
Kafenë e jep
Vetëm me interes,
Kur nuk ke nevojë,
Nuk thua as “Mirmëngjes”
@
Vete edhe futesh
Kudo nëpër zyra,
Lëpihesh pas çdonjerit
Dhe s’të skuqet fytyra
@
Disa njerëz sot
Veç kështu veprojnë,
Lëpihen për hallin,
Pastaj të kafshojnë …
