LARG NJËRI TJETRIT
Nga larg të imagjinoj të bukur
ashtu si zanat e malit ti ndritë
nuk e di se në ç’vend je strukur
nuk e di tash kë je duke pritë…!?
Për ty thonë se jeton e lumtur
mes luleve të çelura trëndafile
s’di u largove a të kam humbur
por e kujtoj ditën kur ti nuk ishe.
Do të ruaj kujtimet e bukura me ty
kur mbrëmjeve shëtisnim qytetit
asnjëherë s’do harroj ata dy sy…
që të vezullonin si dritat e ylberit
Pranverat do të vijnë e shkojnë
si akrepat e orës s’do të ndalen
tani larg nga njeri-tjetri jetojmë
s’di ,ato gabimet a do të falen!?
Zymer H.Haliti
