Lefter Shomo-Fjongoja e magjishme


L E F T E R S H O M O

FJONGOJA E MAGJISHME

Flokëbjonde me të vjeshtës t’ artat jele

N’ ato flokë sollën zogjtë kallinj prej gruri

Erëshkundja më çon detesh me valë dehjesh

Fokusojnë lakmimtare dëshira burri.

Në lëndinë valavitëse me erëkrehje

Ka ndërtuar bukuria foletë e joshjes

Ku aromat pështjellojnë ngacmime dhelesh

Kopsht me naze lozοnjare t’ bukuroshes.

Flokëdendur si gjithnajë në një korije

Valavitet si flamurth fjongoja e trashë

Më mban lidhur syrin tim me të magjisë nyje

Gjithnjë t’ yshtur shpirtin tim e mban kjo vashë

Lefter Shomo K /130 p.sh.α

About Post Author