Cili është burimi i dridhjeve? 

Shkencëtarët kanë mbetur të hutuar nga një seri tërmetesh të pashpjegueshme në ishullin Danez Baltik të Bornholm.Gjatë fundjavës, Shërbimi Gjeologjik i Danimarkës dhe Grenlandës (ose GEUS) raportoi se kishte marrë informacione nga disa dhjetëra njerëz në lidhje me “dridhje të ngjashme me tërmetet” në ishull.

Fenomeni, i cili ndodhi kryesisht pasditen e së shtunës, u përshkrua si një gjëmim i thellë, lëkundje ose kërcitje që ishte mjaftueshëm e fortë për të shkaktuar disa dëmtime të vogla strukturore në ndërtesa.

Për fat të mirë, askush nuk u lëndua, por burimi i tërmeteve mbetet ende një mister.

Më herët sot, GEUS raportoi se lëkundjet “nuk ishin shkaktuar nga tërmetet, por nga valët e presionit nga një ngjarje në atmosferë”.

Instituti ishte i prirur të theksonte, megjithatë, se burimi dhe natyra e kësaj ngjarjeje ishin të panjohura.

“Sizmologët mund të raportojnë se nuk ka gjasa që lëkundjet të kenë origjinën nga një shpërthim i kontrolluar në Poloni, i cili u krye pak para raporteve të para të lëkundjeve në Bornholm”, tha GEUS në një deklaratë.

Kërkimi për përgjigje vazhdon.