Letër frikës-Sherife Allko


Do te them lamtumirë frikë ,

Mbase mi mbyll kanatet me zemërim,

Por kopshtin e trendafilave të dashurisë lëre hapur .

Aty, unë do luaj valsin e erës nën kupolën e qiellit pa re .

Si një vajzë e heshtur, ul kokën në kopshtin e Edenit,

Aty në degët e pemës së shenjtē,

mbledh perlat e ndaluar ,

Duke thyer betimin e kobshëm,

puth buzet e tua .

Frika ime më pëshpëriti në vesh,

Rënkoi në zërin tim .

Renkoi brenda një realiteti joreal.

Frikës i shkrova një lamtumirë !

Dikur isha ajo vajzë e pushtuar nga frika ,sot jo…

-Sherife Allko

16.09.2023