Letra pa adresë
kur dita e qetë
mbyll siparin e saj, e futet
në mantelin e natës,aspak të qetë
unë ulem dhe shkruaj …letra pa adresë.
edhe në kohën ,
kur ti më hutove aq shumë,
sa vendosa t’i thyeja pasqyrat
përderisa i kisha sytë e tu
kam shkruar …letra pa adresë!
dhe në gëzime,
kur dielli ka mbushur botën dhe gotën,
teksa hareja klithte gjer në kupë të qiellit
kam shkruar …letra pa adresë.
(nuk rri dot pa menduar për ju
marr fletët e bardha e shkruaj drithërimet e mia.)
ëndërroj,
sa kam dëshirë që dikur,diku,dikush
t’i marrë atë letra të shkruara
tash disa vjet,
pa emra përmbi zarfa
në letra të pafundme dhe … pa adresë!
