Ligor Stafa:Skicim njollash


Ligor Stafa

Rrethuar riprodhimesh abstraksioniste

pres të vijnë ca vizitorë të zymtë

sa për të larguar mallin për njerëzit

sa për të gërgitur kalkun e kësaj mbushullikohe.

Pse nuk skicoj, ashtu kot, ca njolla arratie?

Po kush do t’më presë në përjashtën e papërzemërt?

Duke shkarravitur muret për të 3652-tën herë

s = v • t

duke përgjuar hapat e qelisë sime

hapa para dhe prapa

pres të vijë gardiani mizor (si çdo ditë)

me atë zymtësiuniformën e tij

pres t’më tregojë hekurat e dritares së hekurt

dhe arratisjen time (sa kam pritur!)

të gllabëruar çuditërisht

prej verbërisë së syve të tij.

About Post Author