Lulëkuqes…Spiro Zaharo
LULËKUQES…
——————
Të putha sytë dhe shkova ,
Lulëkuqe s’të harrova .
U skuqe u bëre gjak ,
Sa gruri mori flakë .
Ma ktheve prapë në buzë ,
Më zgjove mall e muzë .
Mes fushave me grurë ,
Valvitesh si flamur .
Roite ,fletët rranë ,
Thekët mbetën nishanë .
Në gushë ,në mes gjinjve ,
Lulëkuqe mes kallinjve .
Rra drapëri dhe kosa ,
I ziu ç’u brengosa ..
Pllakosi dimër i gjatë ,
Në ardhtë Maji , në ardhtë !
Do vi të të rri afër ,
S’prish punë se jam i varfër .
Sa rrojta dhe sa shkrova ,
Të desha , të lëvdova ..
Të putha sytë dhe shkova ,
Lulëkuqe s’të harrova .
Me vete asgjë s’mora ,
Në vargje lashë të korrat .
&*&*&*&*&*&*&*&*&*&*&*&
About Post Author
