MALL I FËMIJËRISË
Kam mall për fëmijërinë time
Për rininë time, mall të pashuar
Thellë futem në kujtime
Eh, ato s’kanë të përshkruar!…
Fëmijërinë e sotme e dua si atëherë
Rininë e sotme e dua gjithashtu
Me këta zemërohem shpeshherë
Fluturojnë dhe ecin kuturu!…
Dua të jem e re edhe pse vitet s’ma lejojnë
Unë i sfidoj vitet, edhe pse ato më ikin
Energjitë e mia me të rinjtë konkurrojnë
Kuturu s’i lë të ecin gjithandej!
Vërtet shpirt poeti unë kam
Dhe revolta s’më përshtatet fare
Por shpesh mund të më revoltojnë
Të rinjtë, që natyrën s’dinë ta shijojnë!
About Post Author
