Malli seç më shpie
Malli seç më çoi
Te vëndet e mia
Ku buronte kroi
Më çoi në livadhe
Në ato lëndina
Ku , shihja sorkadhe
Nëpër trendelina.
Më çoi nëpër rrëza
Ku lulëzon bliri
Ku këndon thëllëza
Ku , këndon bilbili.
Seç më çoi mëndja
Andej nëpër stane
Ku , ja thoshte kënga
Me culë dyjare.
Bredhë kjo mëndja ime
Në gërxhe dhe pyje
Në ato burime
Kristal ujë i tyre.
Malli seç më shpie
Te hojet me mjaltë
Në ato korie
Me lisa të gjatë.
Ky malli më shpie
Ku , më rri dhe mëndja
Te një rrush hardhie
Te një degë me mëna.
Mëndja nuk më shkulet
Nga vëndet e mia
Ku , molla çel lulet
Ashtu dhe qershia.
Vete bashkë me mallin
Në çdo derë e prag
Malli për vatanin
Do të mbetet plagë.
About Post Author
