Më morën ëndrrat-Maksi Luci


Më morën ëndrrat

Dhe këtë darkë

Larg sa larg më shpunë

Atje në kurbete

Atje larg..një ëndërr më shumë

Eh e shkretë mëndje

Ku nuk vete

Si pelhurë kujtese

Thurr me ëndje

Atje ku rininë si qiri e trete

Atje ku të dhanë

E nuk të dhanë shpresë

Ahhh atje ku ëndrrat

Si yjet këputur ranë

Qiejsh siç bie mbi sythat

E mëngjesit vesë..

Por kurrë ëndrrat

Në ënderr nuk të lanë…

M.L