Më thuaj!
Më thuaj,si ndihesh kur mbrëmja të afron?!
Syri ç’ka që të loton?
Plagën kush ta ka cënuar?!
Më kërkon në imazh të shuar!
A mos ëndrra të gënjen?!
Më kërkon kur jam larguar,
E si hije nuk më gjen.
Unë të thirra, sa shumë bërtita…!
Kokën pas ti nuk e ktheve,
Sa shume lutje, lot gëlltita,
Tani çfarë kërkon prej meje?!
A mos dimri të dënoi,
Kur prej shpirtit më largove,
Apo hëna të qortoj,
Kur prej natës më harrove?!
Mos harro shpirtin e dhembur,
Unë u bëra fletë e grisur,
E në copa isha endur,
Ti një rrugë e kishe nisur!
About Post Author
