Meditim…


ZYBA HYSA


Kur të mendoj Ty,
Ndjej aromën e livadheve të korrura,
Ku bar dhe lule japin shpirt,
Për t’më dhënë shpirt përmes aromave,
Si përzjerje eterike,
Nxisin e zgjojnë ndjesitë…!
Kur të mendoj Ty,
Ndjej gurgullimën e mijëra krojeve,
Q’zbresin nën pyllin me ahishte duke çuçuritë,
Siç ndjehen fjalët e dashnorëve,
Në afshe zjarri të padritë,
Dhe mijëra pentagrane zgjat zemra,
Ku nota hedhin Perënditë,
Ndizem me ngjyrat q’ka femra,
Musht pikojnë gjitë…!
Kur të mendoj Ty,
Kthehem në lodrat fëminore,
Ku luaja me princeshë e princ,
Qiellit vjen me kalë të bardhë
E unë me të bardha veshur,
Ndjej duart tua q’më mbajnë,
E kalërojmë duke qeshur…
Kur të mendoj Ty,
E kaloj në meditim,
Gjithë bota më duket e veshur,
Me gazin tim…!
/ 20 SHTATOR…

About Post Author