” MIKES “
———————-
*
Mike në livadh tek vije
Mos më thuaj që s’më shihje ,
Që të ndiqja pas si hije !
*
Dhe pse menduar më rrije
E dije mike e dije ,
Se ma shihje atë hije
Ndaj e buzëqeshur më vije !
*
Me at gërshetin tënd të zi
Të hedhur , kërcyer mbi zverk ,
Bëm derman , më bëj freski
Nga ai sy që po më djeg !
*
Nga ai sy që po më djegë
Bëm veri sikur njëherë ,
Shpirti t’më ndihet i qetë
Mjeranin , ma lër të flerë
*
Me bisht të syrit më shihje
Mike poshtë e lartë tek vije ,
Të ndiqja ty moj kumrie
E ti bëje se se dije !
*
E dije ti moj e dije
Por nuk di përse mu fshije ,
Më lodhe , oh sa më lodhe
E njëher s’di pse s’më fole !
