Mos më le në dhe të huaj!Bilbil Murataj

Mos më le në dhe të huaj!

Në më do me të vërtetë,

Ashtu siç të dua unë,

Bëhu zgalem e shko mbi retë,

Mos pyet për shi e furtunë

Në më do, siç të dua,

Kalo dete e oqeanë,

Djalë, mendo dhe për mua,

Për ty zemra po më qan

Në më do, siç më ke thënë,

Kalo mbi malet e lartë,

Shikoje rrugën nga erdhe,

Që një ditë të kthehesh prapë

Të më marrësh edhe mua,

Si shqiponja gjahun merr,

Kthehu prapë në strehën tënde,

Në atë vend ku ke lerë

Dhe pse jam në emigrim

Dhe kam ngritur fole tjetër,

Të lutem që të më marrësh,

Të më çosh te fole e vjetër

S’ka fole në emigrim,

Kush e thotë veten gënjen,

S’na duhet dheu i huaj,

Të harrojmë mëmëdhenë

Nuk ka si fole e vjetër,

Kur e ke në mëmëdhe

Dhe shqiponja çan hapësirën

E prapë kthehet në fole.

Të gjitha të drejtat – autori