Mos më lër në harresë
Mos,
Në djerrina të tretuna
Mos ma bridh durimin
Pupthi
Mbrapshtitë,
Po na sosin vitet
Po luajnë lojën e kujtesës,
Besoj që e sheh
Kthehu pas në kohë
Udhëve të shpirtit shih
Më shih mirë,
Se aty jam unë,
Unë moj,
Unë
Se jam gjaku yt,
E po të kujtoj,
Po ti?
Largesat,
Do tê zverdhin zemrën
Pak nga pak,
E pikë për pikë,
Bashkë me gjethet
Vjeshta do e zhbjerrë,
E do e tresë larg,
Atje,
Në kopshtin e fminisë
Kujdes veç,
Do ta shkelin mallin tim
Kush e di se kush?
Ruamë se më ke sy moj,
Ruamë
Eja,
Merrmë dhe në ëndërr
Qaj edhe për mua
Se nuk është mëkat
Shpirtin ,
Ta thërmosh nën vaj
Kur dhemb
Dhe çomë atje larg,atje
Atje,
Ku gjaku na thërret
Edhe qajmë e qeshim
Sa të duash ti,
Gjithë natën e lume
Deri në mëngjes..
