Muzafer Ramiqi:Dera e mbyllur, dritarja e hapur


Muzafer Ramiqi

Dera e mbyllur, dritarja e hapur

Një derë e mbyllur

Është një roje sekretesh

Ti e di se vetëm macet mund të kacavjerren në derë

Kurse qenët, me putrat e tyre mund të gërvishin derën

As macja, as qeni nuk hapin atë derë të mbyllur

Edhe ti duhet të mbash kureshtjen tënde të ndrydhur

Ti e di se dera nuk është dritare

E një dritare me krah hapur është ai vendi

Ku mund të zgjatësh qafën e tejzgjatur të kureshtjes

Tekefundit perdet do duhej të zgjonin imagjinatën e bujshme

Në mos asgjë tjetër

Për të krijuar në mendjen, atë që e ke dhe ashtu si e ke

Një realitet krejt, ama krejt tjetër

Pra një derë e mbyllur është një roje sekretesh

E një dritare e hapur me perde lëshuar

Është një fabrikë e një imagjinate në liri lëshuar

E ti mos hap derën imagjinatës tënde

Asaj bishe të harbuar

About Post Author