Natyra

Natyrë

Më jep Diellin e shkëlqyeshëm dhe tepër përkëdhelëse,

me rrezet e tij të zjarrta dhe shumë maramendëse.

Natyrë

Më jep erën e parë të lindjes së bukur të Diellit,

dhe kopështin me lule të bukura, ku e qetë mund të eci.

Natyrë

Më jep të shijoj flladin e lehtë të dallgëve të Detit,

dhe lehtas fytyrën time ëmbël të më përkëdhelin.

Natyrë

Më jep të këndoj melodinë e zogjve mbi gjethet e pemëve,

që t’i japin qetësi shpirtërore dhe lumturi kësaj zemre.

Natyrë më jep buzëqeshjen tënde të bukur dhe madhështore,

dhe më lejo t’i shijoj gjatë gjithë jetës time mrekullitë e tua kryesore.

Fier/15/8/2022

Albania

Autore: Fatbardha Budini