Ndalu pak!
Në një degë trëndafili
Do të ulem të qëndroj
Të dëgjoj një këngë bilbili
Në sokakë do të vrapoj.
Të ndjek zogjtë strehë me strehë
Gjithë rrugës do të kaloj
Që aromën të ta ndiej
Do trokoj në shpinë të kalit
Herë-herë do ec ngadalë
Ndalu pak moj zanë e malit
Të të puth në sy e ballë
Ndalo, moj se fort të dua
Pritmë pritmë që të flas
Nën qerpikun e malluar,
pikon loti im si ar
Më lag gushën, më lag faqen
Loti rrjedh si një ujëvarë
Më kujtove manushaqen
Më sjell pranë mallin e parë.
Flas me vete, flas me lotin
I them vargut qelibar.
Ti më je bekim prej zoti
Ma bën zemrën serenatë.
Për ty zogjtë do t’i ftoj.
Të këndojnë bashkë me mua.
Të kërcejnë të gjithë tok
Sonte qënkam lumturuar.
About Post Author
