NDËN RREZET E HËNËS
Të pashë në livadhe
Duke mbledhur bar,
Lehtë t’u afrova,
@
Balli yt i bukur,
Mbuluar nga djersa,
Këmbët si kunadhe,
T’i kish lagur vesa
@
S’deshe të më shihje,
A vërtetë s’më pe,
Ti vazhdoje punën
Me sytë përdhe
@
Djalë, do të lutem,
Largohu nga unë,
Do na shohë babai,
Do na hapësh punë
@
Ndaj ik sa më shpejt,
Ku ke për të shkuar,
Tjetër kohë e lëmë
Ne për t’u takuar
@
Larg syve të fshatit,
Të babait, nënës,
Sa të ulet dielli,
Ndën rrezet e hënës
@
Shihemi në mbrëmje,
Do të jetë më mirë,
Të rrimë përqafuar
Deri në të gdhirë …
@ Copyright 2023
Të gjitha të drejtat – autori
