Ingranazhe të ndryshkura
me dhëmbë të thyer…
bëjnë që të lëvizë bota.
Prej tronditjesh të mëdha ,
gjithnjë e rrezikuar.
Tronditje….
Që shumë shtrënjt duhen paguar.
Me jetë njerëzish të pafajshëm.
Me lumenj gjaku të kulluar.
Jeta e njerëzimit….
Varur në fije të perit.
Në mëshirën e Tomit
e të Xherit.
Për njerëzimin…
Vajmedet…
Nëse shëndetin mendor e humbet.
Tomi…..ose Xheri.
e prej tyre…..këputet peri.
Për fat të keq ,
kjo punë po shkon për dreq.
Se Tomi….
Dhe ndonjëherë dhe Xheri ,
nuk janë dhe aq mirë.
Mos o zot…..na ruaj ti
vetëm tek ti , kërkojmë mëshirë.
Mars , 2018
Rrahim Billa / Albania.
(Të gjitha të drejtat e autorit
janë të rezervuara)
………..Dhe më në fund , Tomi u çmend dhe ka të ngjarë të këpusë perin…. E nëse se bën Tomi , i sëmurë është dhe Xheri…..
Prisni kur të çmendet
e shanset janë të pakta ,
për të mos u këputur peri…
Megjithatë , kam besim të plotë
se çdo krijesë , sado e fuqishme qoftë ajo , është krejtësisht e papërfillshme ndaj fuqisë së krijuesit të gjithësisë…prej nga vjen edhe garancia e padiskutueshme e jetës së njerëzimit.
28 / 2 / 2022
Rrahim Billa / Albania
(Të drejtat e autorit janë të
rezervuara)
