Në Gjirokastër
Një biletë doja të gjeja,
kohës të udhëtoja pas,
në fëmijërinë time të shkoja,
të ringjall ato çfarë lash.
Të gjej shokët, të gjej shoqet,
çiltërsinë në sytë e tyre,
ah moj kohë, sa e pabesë,
që mes nesh me hile hyre.
Të rendim nëpër sokaqe,
me gjunjët tona të vrara,
Gjirokastrës bukurinë,
t’ja shikoja nga e para.
Të krenohem me kalanë,
që është me qiellin përqafuar,
bashkë me të dhe Mali i Gjerë,
ah, sa shumë më kanë munguar
Mbi kalldrëmet e qëndisura,
të më shkeli këmba ime ,
të çoj sytë t’i hedh përballë,
të shoh Lunxhërinë time.
Udhëtimin pas në kohë,
mes kujtimesh bëra,
po the Gjirokastra,
i ke thënë të tëra.
About Post Author
