Në qytetin e trëndafilave-Blertë Tmava Veselaj


Në qytetin e trëndafilave

Një aromë më dehu

Që në frymëmarrjen e parë

Më mori zemrën ma rrëmbeu

Ndjenjë që se njihja më parë

Në qytetin e trëndafilave

Ku çdo gjë dukej mrekulli

Më i bukuri trëndafil

Ishe ti për sytë e mi

Zemra ime u pushtua

Si të ishte në magji

Gjithë vendet ku kam shkuar

Kurrë nuk gjeta një si ty

Kjo aromë që më përcjellë

Shpirtin dehur ma mbanë

Dua të mos mbaroj kurrë

Të rritet çdo ditë paanë

Në qytetin e trëndafilave

Për mua qyteti i dashurisë

Trëndafil I pavyshkur

Do të mbetesh gjithmon ti

Kujtimi më i ëmbël i gjithë kësaj jete

Mbetesh ti nga ai çast

Aty ku bukuria të merr zemrën

Aty ku dashuria nuk është mëkat