Disa netë këtu afër , tej pallatit
Sa të thjeshtë !..
Mu në mes të sheshit
Muzikë , këngë edhe valle
Edhe meloditë …
Si dolën udhëve
Jo kështu të gjitha dasmat
Kështu, të thjeshtat e më të thjeshtave !..
Mbrëmë s’u dëgjua asgjë…
Ndoshta , diku …
Ishin në një darkë me drita
Sot , që me flladin e mëngjesit
Erdhën krushqit , që të marrin nusen
Edhe përsëri …
Te sheshi njerëz kishte
U zgjusn sokakët e lulet në dritare
U gjallërua përsëri dita !
Ja ! …
Tek e morën nusen
Një makinë me shirita e lule
Ikën …
E ndërruan udhën
Jo andej nga erdhën
Në anën tjetër të pallatit
Ja , andej ikën …
Oh , ç’zakon i vjetër…
Po që është edhe i bukur
Pse i ndërrojnë udhët ?
Vërtet , që njerëzit gëzojnë
Po dhe gëzimet s’janë njëlloj
Po atje , ku ka një dhimbje
Si gjithnjë te nëna me sy të enjtur
Ajo i ndjen të gjitha
Nuk ndërron dot një zemër !..
