Hëna më tha se vala ishte avitur aty buzë detit,
kishte përqafuar lehtë bregun dhe befas qe ndalur
të sodiste gjithë kërshëri buzëmbrëmjen…
Ajo vinte shpesh mbrëmjeve të vona të puthté bregun
duke e përkëdhelur me hovin e saj të rrëmbyeshëm ,
ndërkohë që pèrëndimi kuqalosh përflakte dhe
reflektonte hijet e romancës së kërcimit të një valsi..
Në atë vals kërcimi ndihej zhurmërima qetësuese ku
vala dashuronte bregun nën tingujt asaj muzike
ritmike e cila pushtonte shpirtrat e dashuruar..
Ajo valë zgjohej në ag nga shtrate të përgjumur
kahëmotshëm dhe herë-herë shfaqej rishtas sikur
donte të merrte me vete një copëz prej atij
bregu të virgjër…
Hëna bukuroshe kundron gjithçka dhe rend
pas atij valsi të magjishëm duke përgjuar cdo hap
të valës në atë breg…
Ajo është e vetmja dëshmitare e asaj dashurie
e cila zgjon pasione në atë kërcim që mban emrin:
“Valsi i dashurisë”….
