NË VENDLINDJE ËSHTË MË MIRË !
Ti pëllumbeshë me krahët shkruar
ku je nis të fluturosh…?
Të lutem nëse shkon kah perëndimi
fëmijëve të mi të fala t’u dërgosh
Thuaj se për juve çdo ditë malli më djeg
e s’po mundëm të kuptoj…!
Pse ju shkuat në vende tjera…?
A po atdheu një vend pune s’ju afroi !?
Pëllumbeshë moj e bekuar
Ti,që fluturon kaltërsive e lirë
fëmijëve të mi duhesh treguar
se në vendlindje është më mirë…!
Mos të harrojnë gjuhën shqipe
as atdheun asnjëherë…
edhe pse ikën shumë vite
për ju atdheu nuk hapi derë…!
Por,kujtoni familjen tuaj
babë,nënë,vëlla e motër
ju mirëpresin me dashuri
qofshit mirë çdo herë
ju ruajt e bekuara Perendi.
