Në vendlindjen time-Sherife Allko


Muzgu i mbrëmjes mbuloi dalëngadalë arat, pemët, malet e largëta.qytetin tim të vëndlindjes.Autobuzi i linjës Tiranë – Librazhd,që mezi e kishte bërë këtë rrugë të gjatë, u ndal me një frenim të fortë,saqë pasagjerët e dremitur nga udhëtimi u kolovitën mbi ndenjësen me copë blu .Padashur dora më shkoi mbi gjoks sikur doja të dëgjoja të rrahurat e zemrës time, a ishin në rregull .Zbrita e qetë dhe në vështrim të parë asgjë nuk dalloj,megjithatë diç ndjeva në gjoks ,ndjeva erën e dherave të mia dhe me sy mbyllur e gjeja rrugën për në shtëpinë time .

Me vete thashë;Këtu më njohin dhe gurët.

Mora frymë thellë dhe mbusha gjoksin me flladin e mbrëmjes .Ky fllad kishte një aromë tê njohur, sikur ta kisha shijuar njê ditê më parë .Ngadalë u nisa për në shtëpi e zhytur në kujtimet e fëmijërisë time .Mezi prisja të trokisja në derë e atë të ma hapte nëna ime dhe, të shihja si do reagonte kur të më shihte .Mendova t’ia bëj surprizë në ditën e ditëlindjes së saj ..Nuk i kisha njoftuar se do të shkoja .

U ndala pakëz para derës dhe sytë më shkuan tek emri mbi të.I lëmova me mall e nostalgji me duart që më dridheshin .Emri i babait tim tê ndjerë kishte dyzet vjet i shkruar me shkronja të lyer me varak në ngjyrë ari mbi atë derë . Sa herë e shihja atë emër mendoja me vete ; Ah sikur të ngrihet e të më hapë këtë derë.Mbas një pauze të shkurtër i bie ziles së derës dhe aty mu shfaq nipi im, i bukuri i hallës .Ai me një pasthirrmë thirri ; O halla ime dhe aty u kuptua se kush erdhi dhe nëna nga këndi më buzëqeshi duke më thënë ;Bija e suprizave , ma ndjeu zemra se do të vije .

Nënë ! Moj nënokja ime sa më ke munguar dhe e përqafova fort nxorra mallin e gjithë asaj kohe tê munguar ..Zemra i rrihte fort, si e zogut kur bie në lak .Bijë e nënës po ma merr frymën me tha dhe buzëqeshi ..Atë natë festuam gjatë me ata pak pjestarë që ishim, sepse tē tjerë vëllezër e motra ndodheshin nëpër botë dhe në pamundësi për të ardhur nga shkaku i virusit jemi ndarë përsëgjalli .Por fal telefonave u pershendetëm të gjithë me rradhë ..Kjo natë do mbetet gjatë në kujtesën time .Fjalët, jo gjithmonë e gjejnë ndjenjën e çdo kujt për tu shprehur me një mendim por e rëndësishme është se ne kaluam çaste të magjishme.

Sherife Allko

Tiranë