NJË JETË KEMI
Rrezet e diellit pushtojnë dritarën
kudo është dritë e vapë verore
unë sodis kujdesshëm fontanën
dhe më kujton freskinë e një nate
Jeta është e bukur nëse e jetojmë
ashtu si dëshirojmë të ecën jeta…
një ditë qetë nga kjo botë shkojmë
e pas do të na mbesin fjalë e vepra.
T’i çmojmë të mirat siç e kemi fat
të mos mburremi shumë me vetën
jemi si lulja që çelë e lëshon shtat…
e gëzohemi kur presim pranverën
Lumturia nuk blehet,por fitohet…
kur veprojmë siç duhet me tjerë
fati i mirë nuk duhet të kuptohet
se është lule që çelë veq njëherë
Jetën duaje si ti e kupton,e çmon
por,jetoje… ashtu siç ti e dëshiron
mos lejo të tjerët jetën të diktojnë
çdo njeri të jetojë si e meritojmë…
