Në këtë botë, në këtë dynja,
Njeriu plot dëshira dhe kërkesa ka,
Sa është fëmijë, dëshiron të rritet shpejt,
Të bëhet zot i vetes ai përpiqet.
Për jetën më shumë fillon të mendojë,
Dëshirat që ka kërkon t’i plotësojë,
Për to mendon dhe”lufton” çdo ditë,
Të bëhet dikushi,të jetë sa më i mirë.
Midis dëshirave dhe mundësive reale,
Zhvillohet vërtet një “luftë” e madhe,
Midis tyre ekziston një kontradiktë ,
Dëshira ka shumë, të pakta janë mundësitë.
Njeriu si qënie e gjallë e ka në natyrë,
Me dëshira dhe kërkesa s’ngopet kurrë,
Në këtë botë me hapësira të mëdha,
Në mungesë të njërës,plotësohet tjetra,
Një dëshirë dhe kërkesë me shumë vlerë,
Tek njeriu i gjallë kurrë s’duhet të vdesë,
Të luftojë dhe mos tërhiqet kurrë,
Të jetë i dobishëm e me vlera shumë.
