NJËSH ME VALËT MBETE TI
moj sirenë Verë-djersitur,
bredharake në pafundësi,
mbi syprinë qepik-ngritur…
Buza-gaz të puth puhiza,
tek gremiset pa bërë zë,
hovin ndalur nëpër driza,
xhelozimit gjumë nuk flë…
Lot i kripur vlim ndër sy,
drithëron mes paanësie,
breg i shkretë qan për ty,
shkuma rërës ëmbël bie…
Njësh me valët mbete ti,
shtojzavalle shtat-lakuar,
bredharake në pafundësi,
nuri ballit…rrudhët shuar…
Luan Sheshi : 2 shtator 2025…
