Nuk kam ëndrra-Leonard Pipa

NUK KAM ËNDRRA

Unë nuk kam më ëndrra,

ato m’i kanë vrarë!

Siç vrasin zogjtë.

Në ke ndërmend të më puthësh,

Të kuqin mos ma fshi.

Lermë

Të më kthehet e kuqja

në fytyrë.

Ti e di nuk kemi për të shkuar në parajsë.

Prandaj eja, eja…

bashkë me mëkatin!

Unë nuk kam ëndrra ,

një nga një m’i vranë

shteti, pushteti, shoqëria, miqtë, të afërmit;

Ju,

Që kur vdiq LEKA I MADH…

Gjakun e tyre e keni akoma në duar!

E dashur nëse do t’i shohësh ëndrrat e mia,

Eja të tregoj shenjat e plagëve!

E përse t’i akuzoj më parë?!..

Mund të ngjallen pëllumbat,

lepujt, sorkadhet,

dhitë e egra

që shkrepave u jepnin ndriçim?!

Unë nuk kam ëndrra

u bënë therror!

Çdo frymarrje ja kam borxh gjakut tyre!

Prandaj eja,

eja e dashur…

të marrësh hak!

Sot është 5 maj!