Paksa pikante 3-Petrit Qori


Mos të thënshin kurrë i ” vogël ” !

Tog – fjalësh .

Vini re , vini re

kjo nuk është një epope

është shkruar dosido

quhet stili rokoko .

Stili im ngjan më shumë

me ca fjalë prerë në shkumë

ngjitur në një copë letër

me pështym , jo moshë e vjetër

miq e shok kur ta lexoni

në keni vrejtje i thoni .

Në një bajgë në mes të rrugës

brumbulli i ishte futur punës

nuk ka shkollë e diplomë

po nga jeta ka përvojë .

Të spostosh në plan të shesht

forma e gjyles është perfekt .

Duke shtyrë me këmbë një sferë

po lëvizte pa u ndier .

Hovin seç ja prenë ca këmbë

që po vinin rëndë-rëndë

një zotri i kullarisur

drejt po vinte kapardisur .

Bajgës shumë ju afrua

mori hov , nuk u spostua

me një shtys bajgën kaloi

i shkreti brumbull e pësoi .

Ndokush , s’ktheu kokën pas

zëre s’e kish shkel një glas

vazhdoi rrugën serbes-serbes

sikur kish pisqoll në brez .

Brumbulli i gjorë shtrirë përtok

rreth e rrotull miq e shok

veshët pipëz , ngrit përpjet

prisnin fjalët amanet .

Një haker i kohës tonë

ngjarjen e filmon me dron

me një klik u fut në rrjet

të dëgjohej ky amanet .

Mori frymë për të fundit herë

foli qart , shkurt e prerë :

Amaneti i brumbullit gogël ;

” më mirë mut se sa i vogël ” .

Kjo nuk vlen per Shqipërinë

që për kredo ka lirinë

se në shekujt e kaluar

shumë kombe janë shuar

por shqipëtarët ja dolën mbanë

janë ndër kombet më të parë .

Që nga lindja , tek kjo shtëpi

rrotull nesh janë jabanxhi .