Paksa pikante 52- Petrit Qori


Kur s’ke çi bën gomarit e i bie samarit .

Ca copa shkëmbi nga mali rrëzoj

nisin , rrokullisen , poshtë në fushë ,

lodhem , djersitem , asgjë nuk fitoj ,

se s’jam dhe unë në rregull nga trutë .

Çfarë faji ka dhe fshatari i shkretë ,

që arën ia mbush plot me gurë ,

i prish të mbjellat me bereqetë ,

i lë fëmijët pa misër e grurë .

Rrinin për qejf në vend të vetë ,

dhe poplat pa faj që i vidhis ,

se s’kam çi bëj prandaj e cimbis ,

malin fodull që dot se përmbys .

I çmendur s’jam e as i pashpresë ,

një levë në dorë ka kohë që më thërret ;

– më jepni një guriçkë ku veten ta mbështes ,

e “malin” ta kthej me bythën përpjetë !

Një levë Arkimedi për politikën 30 – vjeçare .