Palcërimit e vulosa-Natasha Limaj


Sa zbrita në Rinas , m’u duk lagjja ime

Zhë-zhë-zhë… gumzhima shqip, më zhyti në mallëngjime…

Duke u futur në Vlorë, përmbi ‘’ Pusin e Mezinit ‘’

Nga kalaja e Kaninës , më deh flladi i ullirit…

Këmbë-këmbë nga bashkia , i avitem ‘’ Karabashit ‘’

Ja qosheja , ja filxhani, ja dhe got’e dollibashit…

As ecja, as fluturoja , në diç’të ajërt qëndroja

Shikimin nga kati i katërt, derën time po kërkoja…

Bum-bum -bum.. shpërthen kanata, thërrime u bë dhe pllaka

Muri plasur goja-goja , uturima : – erdhi zonja…

Oh,po, sa më ke munguar , shtëpi e shenjta shtëpi

Palcërimit e vulosa , atdheu lindka tek ti!…