PENGJET…
Poezi
Kafja e zeze e detit,
filxhani me lulka, perbuze,
dhe dallga qe lakadridhet…
fergellojne buzet e baristes,
buzet e mia rrahin kund:
detrash te zinj tejfund.
E zeze kafja,
sheqer zero, kafe morti,
rera trazon gishterinjte,
guximtaret bejne te sfidojne lobin:
skelete te bardhe,
ujerash te zinj…
Disku i verdhe ndryshket,
perplitje shpirtrash, zemrash,
ngerdhesh kercenim Titaniku *)
kurse korkodili kruan dhembet…
shtrengim bollonash nje dore,
trendafila dhuruar po ashtu:
kurore dhimbjesh detit blu.
Kafja e zeze e detit,
filxhani me lulka, perbuze,
dora e dridhur e sikletit,
dhe dallga qe lakadridhet…
fergellojne buzet e baristes,
buzet e mia rrahin kund:
detrash te zinj perfund,
tek pengjet e drites.
_________________________
*) Shkenctaret britanike dhe evropiane te cilet
u flijuan ne emer te misionit per te hedhur drite mbi legjenden e Titanikut.
