Dje rreth mesditës u hodha deri tek teatri “Petro Marko”.Në librarinë “TOENA “duhej të blija një libër ,të cilin ma rekomandoi miku im K. L.
Pasi e mora librin ,kalova në krahun tjetër ,ku një “bukinist” shet dhe blen libra të rinj dhe të vjetër .
Sapo më pa të afrohesha ,shitsi ngriti nga tavolina e sajuar dy libra dhe mi drejtoi .
-Do ti merrni vetëm 300 lekë ,aq sa i kam blerë .
I mora në dorë dhe për habinë time ishin dy vëllimet e romanit të famshëm të Manxonit “I Promessi Sposi “,”Të fejuarit”.
E kisha lexuar librin 40 vjet më parë dhe një kopje të tij ,botim i fund shek XIX,e kam në bibliotekën time .E gjeta diku ,të rrënuar , e rregullova dhe i vura një kopertinë kartoni .
Pra unë i bleva të dy vëllimet 300 lekë ,sa për dy kafe e një ujë në bar-kafe .
Libra pa fund në librari dhe në rrugë .Pak blerës .Por edhe shumë libra shkruhen dhe jo të gjithë kanë mundësi ti blejnë .
Sot “grafomania ” është bërë modë .Sajesat linguistike sa vijnë e stërhollohen.Llojë e sojë shkrimtarësh ,poetësh,rapsodësh,”historianësh”,”gjuhëtarësh”,biografësh ,janë shtuar si kerpudhat pas shiut ,a thua se e vtmja gjë që u ka mbetur shqiptarëve është nxirja e letrës .Fraza e nderprerë ,stili telegrafik,të shkruarit me ngërç,rima foshnjarake dhe vargu i rëndomtë ,dëshmojnë skepticizëm,dhe mizantropi .Libra që mbushin raftet e librarive dhe që nuk u hedh njeri sytë ,kur sheh krah tyre autorë të shquar shqiptarë dhe të huaj ,që edhe ata vjetërojnë kopertinat nëpër vitrinat e librarive ,rrugëve e trotuareve të qyteteve . Më kot shitsit e librave rreken që të shesin ndonjë titull ,duke joshur kalimtarët edhe me çmim më të ultë ,sesa shiten në librari .
Varfëri kulturore ,njerëz që i sheh ngado me telefona në vesh .Për libra as që flitet ,janë jashtë kohës e modës .
Një vajzë e re kalon me një qenush përdore.”Bukinisti “me humor i thotë :
– Ma jep mua qenushin ,të të jap një libër të bukur !
Vajza qesh ,tund dorën në ajër , bye-bye dhe thotë :
-Sikur tërë librat që ke aty të mi falësh ,nuk e ndërroj !
Po jetojmë në një varfëri shpirtërore ,në një demencë “intelektuale “, në anfabetizëm që nuk e di se ku do të na shpjerë !
Po jetojmë në një varfëri shpirtërore ,në një demencë “intelektuale “, në anfabetizëm që nuk e di se ku do të na shpjerë !
