Vjollca Aliu
Si libër i palexuar e këngë e pakënduar,
Si melodi e padëgjuar e zjarr i pashuar,
Si ujë i paturbulluar e si deti i patrazuar
Për TY që s’më kupton,
Jam libër i palexuar e këngë e pakënduar.
Për TY që s’ndjen asgjë,
Jam melodi e padëgjuar.
Për TY që të djeg,
Jam zjarr i pashuar.
Për TY që me mua s’arrite t’lundrosh,
Jam ujë i paturbulluar.
Për TY që kurrë s’arrite t’më turbullosh,
Jam si deti i patrazuar.
Jam UNË ajo që isha,
E TI nuk ishe dhe as nuk je,
As libër, as këngë, as melodi,
Nuk e di dhe a je njeri?
Nuk je as zjarr, as ujë, as det,
…sepse ishe dhe mbete vet,
Labirint i vërtetë.
Vjollca Aliu
Të gjitha reagimet:
8Bilbil Murataj, Faqja Zyrtare Ardian Muca dhe 6 të tjerë
