Pirro Minella Millona:”Kujtime nga Gjirokastra !!


KUJTIME NGA GJIROKASTRA !!

…. ” Lulet e deles me petalet e saj të hequra një e nga një “Më do, s’më do”….!!!”

…..Mëngjes i bukur fillim pranvere. Duke bërë përshëndetjet e rastit, dikush nga mikeshat më dërgoi këtë fotografi të bukur shumë.

Më pëlqeu dhe ua dërgova shumë miqve te mi.

Nuk vonoi dhe erdhi përshëndetja:

-Gjesi poet!!. Ditë të bukur si fotografi të këtyre fëmijëve duke mbledhur lule dele te kesh sot!!

-Po me petalet, “më do, s’më do”

-Poooo tamam.

Haaahaaa.,sa bukur

-Faleminderi mikja ime më solle strukturën për skicën time.

-Shumë e bukur Poet e pres të ma dërgosh më takon mua të parën ta lexoj. Ditë të bukur plot frymëzim Poet!….

Ishim të vegjël. Shkonim andej nga Grehoti dhe mblidhnim kamomil dhe kishte dhe shumë lule dele.

Mbaj mënd që mblodha shumë lule dele dhe ja dhashë shoqes time të vegjëlisë për të bërë kurorë dhe tja vendosja unë në kokë.

U ulëm të dy dhe ajo me tërë vëmëndjen e saj ishte përqëndruar tek kurora. Po merrte formë unë e shikoja me admirim.

E mbaroi dhe une u ngrita dhe me kujdes ja vendosa në kokën e saj të bukur me flokët ojna,ojna ngjyrë kafe të çelët dhe fytyrën që i ndrinte edhe më shumë nga rrezet e diellit pranveror.

U përqafuam fort me atë përqafim fëminor të pafajshëm.

Në dorën e majtë mora një lule dele dhe fillova ti shkëpus petalet e saj duke thënë: “më do, s’më do”

Shoqja ime më ndiqte me ankth. Çfarë do të thoshte petali i fundit i lule deles?

-Më do??

-Apo s,më do?

Edhe unë në petalet e fundit atë mendoja “Më do” shoqja ime apo petali do më thoshte “S’më do”

Erdhi fundi i lule deles dhe “fati” më trokiti në derë.

Në petalin e fundit lulja e deles foli ” Më do”

Vrullshëm ngrita kokën dhe e pashë në sy shoqen time të fëmijërisë. Një e kuq i veçantë i përshkonte fytyrën ëngjëllore.

U përqafuam fort dhe të dy nuk merrnim frymë…..

…..Rrjedha e jetes e solli që të mos ta shikoj më shoqen e fëmijërisë bashke me të edhe petalin e fundit të lule deles: “Më do”.

Humbi në kthinat e jetës. Por sot ti mikesha ime ma riktheve në kujtesën time ashtu të fresket si atë ditë të bukur pranverore duke thurrur kurorën me lule dele…..