Të pagëzova me emrin Hënë
Për një të vetmën arsye
Se ti natën ma ndriçove rrugën
Dhe kur frikë pata nga hija ime.
Ty të pagëzova me emrin Diell
Se me rrezet e tua ma ngroh shpirtin tim
Më bën dritë përherë e s’më le në errësim
Ty, lumë të lutem gjer në përgjërim.
Ëndrrat kurrë mos m’i fundos mua
Vërshimeve tuaja u frikohem unë
Kujdes, mos m’përplas me dallgët e tua
Se nga jeta mjaft jam e dërrmuar.
E ty, natyrë e bukur, të lutem prore
Më lumturo, që me lulet e tua ta thur kurorën
Edhe kur të më përcjellin në gjirin tënd, në çastin mortor
Mijëra dasmorë, me buqeta lulesh në dorë.
