Prehje
Dafiola Nepravishta
Prehem në buzëqeshjen tënde
Me notat e jehonës së saj
Shëtis kupolave të qiejve
Aq shumè sa…
Sa zogjtë shkundin krahët e mpirë nga pritja
E bashkë me ne këndojnë himnin e dashurisë
Cdo herë shndërrohem në flutur
Cdo herë është fluturimi i parë.
Mos më lër asnjëherë të bie
Në duart e tua më mbaj
Mbushur me bar e lule
Ashtu sic je…
Dil nga kopshti i Edenit
Ta ndreqim këtë botë
Me dashuri ta lajmë mëkatin.